Positibo pa rin ang anti-death penalty congressmen sa kabila nang kabiguang pigilan ang paglusot sa ikatlo at huling pagbasa ng death penalty bill.
Tinawag pang brave souls ni Congressman Edcel Lagman ang 54 na kongresista kabilang siya na bumoto laban sa pagpapatupad muli ng parusang kamatayan.
Sinabi ni Lagman na saludo siya sa paninindigan ng mga nasabing kongresista sa kabila ng matinding pressure at intimidation mula sa liderato ng Kamara.
Ayon namay kay Ifugao Congressman Teddy Baguilat hindi pa tapos ang laban dahil tiyak aniyang magiging mahirap ang paglusot ng nasabing panukala sa senado at kung maging batas na ang pagbabalik ng parusang kamatayan ay kaagad naman nila aniyang kukuwestyunin ito sa korte suprema.
By Judith Larino
