Umaapela ng katarungan sa gobyerno ang pamilya ng pinaslang na “doctor-to-the-barrio” na si Dreyfuss Perlas.
Gabi ng Miyerkules, Marso 1 nang barilin si Doktor Perlas ng hindi pa nakikilalang salarin habang pauwi lulan ng motorskilo sa bayan ng Kapatagan, Lanao Del Norte.
Ayon kay Wella Perlas, kapatid ni Dreyfuss, hanggang ngayon ay gulat at naghihinagpis ang kanilang pamilya sa sinapit ng kanyang kuya.
Nagtungo anya ang kanilang amang si Patricio kasama ang dalawang tiyuhin sa Pagadian City, Zamboanga Del Sur upang personal na ihatid ang labi ng kapatid sa kanilang hometown sa Aklan.
Inaalam na ang motibo sa krimen at sino o anong grupo ang nasa likod ng pagpaslang.
By: Drew Nacino
