Naaresto na ng mga pulis sa Malaysia ang ika – apat na hinihinalang sangkot sa pagpatay kay Kim Jong Nam, ang half-brother ni North Korean Leader Kim Jong Un.
Nasa Kuala Lumpur International Airport si Nam at patungo na sana sa Macau nang ito ay masawi dahil sa posibleng pagkalason.
Una nang naaresto ang dalawang babae – isang Indonesian at isang mayroong dalang Vietnamese travel documents, at isang lalaking Malaysian.
Si Nam ay sinasabing nakatira sa Macau, sa ilalim ng proteksyon ng China, kasama ng kanyang ikalawang asawa.
By Katrina Valle
