Patay ang dalawang (2) miyembro ng ISAFP o Intelligence Service of the Armed Forces matapos maka-engwentro ng mga terorista sa Marawi City.
Sa inisyal na imbestigasyon, nagsasagawa ng intelligence operation ang ISAFP nang mangyari ang ambush sa Barangay Lilud mandaya sa Marawi City bandang alas-6:00 kagabi na tumagal ng sampung (10) minuto.
Nasawi sa nasabing engkwentro sina Major Jerico Mangalus at Corporal Bryan Libot.
Sugatan naman sa insidente ang isa pang sundalo na kinilalang si Sergeant Rolando Cartilla.
Kaugnay nito, sinabi ni Philippine Army Spokesman Col. Benjamin Hao na nagkasa na sila ng hot pursuit operations laban sa mga umatake sa mga sundalo kasabay ng pagpapatupad ng checkpoints sa Marawi City.
By Meann Tanbio | Jonathan Andal (Patrol 31)
