Humiling ang maybahay ng pinatay na Koreanong negosyanteng si Jee Ick Joo kay Pangulong Rodrigo Duterte na huwag nang pasalihin ang NBI sa imbestigasyon.
Sa kanyang liham, sinabi ni Choi Kyung Jin na nawalan na siya ng tiwala sa NBI dahil sa napabalitang pagkakasangkot ng ilang opisyal nito sa pagdukot at pagpaslang sa kanyang asawa.
Aniya, mas nanaisin pa niyang mag-isa na lang imbestigahan ng PNP Anti-Kidnapping group ang krimen.
Kaugnay nito, nagpadala rin ng liham si Choi kay NBI Director Dante Gierran upang bawiin ang criminal complaint na inihain niya noon sa NBI.
By: Avee Devierte
