Kumalap na ng tulong para sa Surigao City ang grupong COMP o Chamber of Mines of the Philippines.
Ayon kay COMP Chair Art Disini, inihahanda na ng mga kumpanya ng minahan sa Surigao Del Norte ang relief goods na kanilang ipamamahagi sa mga naapektuhang residente.
Nakaantabay na rin, aniya, para tumulong ang ilang mga minero na may pagsasanay sa rescue missions.
Nag-alok ng tulong ang grupong COMP sa kabila ng pagpapatigil ng Department of Environment and Natural Resources sa operasyon ng ilan nilang miyembro.
By: Avee Devierte
