Mahigpit na ang ipinatutupad na seguridad sa Isla ng Boracay at sa karagatang nasa paligid nito.
Ito’y bilang bahagi ng pagho-host ng Pilipinas sa ASEAN o Association of southeast asian nations Summit na magsisimula sa Pebrero 13.
Ayon kay Rowen Aguirre, Executive Assistant ng LGU – Malay, mahigpit na pagbabawalan ang mga batang pagala-gala sa beachfront dahil dito daraan ang mga delegado patungo sa mga hotel na pagdarausan ng pulong.
Nakakalat na rin ang security forces sa buong isla at ikinakasa na rin ang gagawing traffic re-routing sa lugar.
By Jaymark Dagala
