Nangako ang Trump administration na haharangan nito ang anumang pagtatangka ng China na sakupin ang teritoryo sa South China Sea na hindi nito pag-aari.
Ayon kay White House Spokesman Sean Spicer kapag natiyak nilang hindi bahagi ng China ang anumang lugar sa South China Sea, handa silang idepensa ang international territories sa tangkang pag-take over ng isang bansa lamang.
Ang nasabing hakbang ay tila pagbitiw umano sa paghawak ng dating Obama administration sa usapin nang paggigiit ng China na masakop ang South China matapos una nang magtayo ng mga imprastruktura.
Tumanggi naman si Spicer na ibunyag ang mga magiging hakbang laban sa China.
By Judith Larino
