Ibinunyag ni House Speaker Pantaleon Alvarez na tatlong kasalukuyang mambabatas ang nasa narco-list ni Pangulong Rodrigo Duterte.
Taliwas ito sa naunang pahayag ni Alvarez na dalawang kongresista lamang ang kabilang sa listahan.
Gayunman, nanindigan si Alvarez na hindi niya papangalanan ang mga mambabatas.
Tumanggi ring magbigay ng detalye ang leader ng Kamara kung taga-saan ang mga sinasabing kapwa kongresistang sangkot sa iligal na droga.
By Drew Nacino | Report from: Jill Resontoc (Patrol 7)
