Bigo ang Philippine Passport na makabilang sa mga itinuturing na malalakas na pasaporte sa buong mundo.
Sa passport index ng International Financial Company na Arton Capital, pinagsunud-sunod ang mga pasaporte ng 193 bansa ayon sa dami ng bansang mapupuntahan nang hindi na nangangailangan ng visa.
Nanguna ang Germany sa mga bansang ito at sinundan ng Singapore at Sweden.
Kumpara sa pasaporte ng Singapore na hindi na nangangailangan ng visa sa 156 na bansa, 60 bansa lamang ang ubra sa Philippine Passport na nasa ika-64 na pwesto sa nasabing passport index.
Ayon sa mga eksperto, pinakikita ang diplomatic relations ng isang bansa sa kakayahan ng mamamayan nitong makapasok sa ibang bansa nang walang visa.
By: Avee Devierte
