Mariing tinutulan ng grupong Greenpeace Southeast Asia ang pagtatayo ng underwater park sa Palawan.
Ayon kay Philippines Oceans Campaigner for Greenpeace Southeast Asia Vince Cinches, nakaaalarma ang naturang plano dahil siguradong masisira ang ipinagmamalaking paraiso ng Palawan sa oras na simulan na ang konstruksyon nito.
Hindi aniya dapat na payagan ang pagtatayo nito dahil malamang na maapektuhan nito ang Subterranean River at Tubbataha Coral Reef na kinilalang UNESCO World Heritage Sites.
Una nang inihayag ng US Children Television Company na Nickeledeon ang plano nilang pagtatayo ng underwater park sa Palawan na may lawak na 400 ektarya.
By: Rianne Briones