Positibo ang gobyerno na maipatutupad pa rin ang dagdag pensyon para sa mga retiradong kasapi ng SSS o Social Security System na ipinangako ni Pangulong Rodrigo Duterte noong panahon ng kampanya.
Sa panayam ng DWIZ, sinabi ni Budget Secretary Benjamin Diokno na may posibilidad na mailarga ang pension hike kung maaaprubahan ang isinusulong nilang tax reform kung saan babawasan ang buwis sa personal income tax.
Bukod dito, binanggit ni Diokno na plano nilang magpatupad ng adjustment sa kontribusyon ng mga miyembro ng SSS.
Bahagi ng pahayag ni Budget Secretary Benjamin Diokno
By Meann Tanbio | Karambola
