Nakatakdang ilarga sa Enero 2017 ang Ikatlong rounds ng preliminary talks sa pagitan ng gobyerno at CPP-NPA-NDF para sa usapang pangkapayapaan.
Sinabi sa DWIZ ni Government Peace Negotiator at Labor Secretary Silvestre Bello III na naghahanap na ng ibang venue ang Norwegian Government dahil masyado ng malamig sa Oslo, Norway at baka hindi kayanin ng mga negosyador ang malamig na klima.
Aniya, sesentro ang preliminary talks sa social at economic reforms, pati na ang political reforms at iba pa.
Positibo si Bello na magbubunga ng magandang resulta ang pagsisikap ng magkabilang panig dahil para na rin ito sa ganap na kapayapaan sa bansa.
By: Aileen Taliping
