Patay ang 1 katao at 70 ang sugatan sa pagbaligtad ng isang pampasaherong jeep sa Lower Benembengan, Sumisip, Basilan.
Nakilala ang nasawi na si Tasliran Janalhatib na tulad ng mga sugatan ay mga beneficiary ng 4P’s o Pantawid Pamilyang Pilipino Program.
Ayon sa municipal consultant sa Sumisip, pauwi na ang mga biktima mula sa Isabela City para kunin ang kanilang buwanang allowance nang mawalan ng preno ang sinasakyan nilang jeep.
Isinugod sa iba’t ibang ospital sa Basilan ang karamihan sa mga susgatan subalit dinala naman sa ospital sa Zamboanga City ang mga nasa kritikal na kondisyon.
By Judith Larino
