Arestado ang isang Malaysian national matapos na makuhanan ng 4.6 kilo ng high-grade cocaine sa Ninoy Aquino International Airport o NAIA.
Nakuha sa dayuhang si Nasiruddin Bin Mohammad Hasnan, 22-anyos ang iligal na droga sa loob ng 216 piraso ng lata na itinago sa pamamagitan ng tsokolate.
Ayon kay NAIA General Manager Ed Monreal, mahigpit na binantayan si Hasnan sa paglapag nito sa NAIA Terminal 1 kagabi.
Sinabi ni Monreal na desperado na ang sindikato ng iligal na droga kaya’t humahanap na ang mga ito ng ibang paraan para makapagpuslit ng droga sa bansa.
Nakatakdang sampahan ng kaso ngayong araw ang suspek.
By Rianne Briones | Raoul Esperas (Patrol 45)
