Hindi na maglalaro sa Rio Olympics si two-time major champion Stan Wawrinka.
Ayon kay Wawrinka, ito ay dahil sa iniindang injury na hindi naman sinabi kung saang parte ng katawan.
Ipinaliwanag ng Swiss tennis star na tumitindi ang sakit ng kanyang injury noon pa mang kasagsagan ng Rogers Cup.
Maliban dito, pinayuhan rin aniya siya ng kanyang doktor na iwasan muna ang anumang physical activity upang makarekober ang injury nito.
Una rito, umatras na rin sa Olympics ang mga bigating tennis players gaya nina Roger Federer, Milos Raonic, Tomas Berdych habang nakikiramdam pa si Rafael Nadal kung sasabak ito sa Rio.
By Ralph Obina
Photo Credit: AFP/BBC
