Nadagdagan ang water level sa Angat Dam sa nakalipas na magdamag.
Ayon sa hydrology division ng PAGASA, kaninang alas-6 ng umaga, nasa 195.75 meters ang water level sa Angat dam –bagamat malayo pa ito sa 212 meters na normal high water level ng Angat Dam.
Nadagdagan din ang water level sa Ambuklao at Caliraya dams.
Wala namang pagbabago sa antas ng tubig ng La Mesa Dam.
Nabawasan naman ang antas ng tubig sa Ipo dam gayundin sa Binga, San Roque, Pantabangan at Magat dams.
