Excited na pinangunahan ni 2015 Miss Universe Pia Wurtzbach ang pagpapasinaya sa kanyang wax figure sa isang pamosong museo sa Hong Kong kahapon.
Sa Instagram post ni Pia, kanyang sinabi na hindi siya makapaniwala sa itsura ng wax figure na tila kakambal niya.
Excited din aniya siyang makita ito ng mga kapwa Filipino at magpakuha ng larawan.
Tumagal ng anim na buwan ang ginawang pagpaplano, pagsusukat at paggawa sa nasabing wax figure ni Pia kung saan kuhang kuha ang detalye ng buhok, ngipin at maging ang kanyang balat.
Suot ng nasabing wax figure ni Pia ang identical gown na sinuot ni Pia noong ipinasa niya ang korona kay 2016 Miss Universe Iris Mittenaere na likha naman ni Michael Cinco.
Masasabi namang panibagong kasaysayan ang ginawa ni Pia dahil siya ang kauna-unahang Pilipino na nagkaroon ng wax figure sa Madame Tussauds.
—-
