Nagmula umano sa Amerika ang bombang pumatay sa apat napu katao na karamihan ay mga bata sa Yemen noong August 9.
Ayon ito sa resulta ng imbestigasyon kung saan ang 500 pound na laser guided MK 82 bomb ay gawa ng Lockheed Martin na isa sa mga pangunahing defense contractor ng Amerika.
Sinabi ng ilang ammunition experts na ang naturang bomba ay kahalintulad ng mga uri ng pampasabog na ini export ng Amerika sa Saudi Arabia.
October 2016 ng isang kahalintulad rin na bomba ang sumabog sa Yemen na pumatay sa 160 katao.
Wala pang pahayag hinggil dito ang Amerika sa gitna na rin nang paghingi ng hustisya ng mga kaanak ng mga namatay sa nasabing pag atake sa Yemen.
