Ipinanukala ni Senador Panfilo “Ping” Lacson na alisin ang “pork barrel” funds mula sa 2018 national proposed budget.
Ito ay upang pondohan ang mga State Universities and Colleges na magbibigay ng libreng matrikula alinsunod sa kapapasa lamang na “free tuition law.”
Sinabi ni Lacson na hindi naglagay ang Malacañang ng budget para sa “free tuition“ sa SUCs sa 2018 national budget kaya ang Kongreso na umano ang naghahanap ng pondo para dito.
Ibinunyag pa ng senador na isa sa mga mambabatas ang nakakuha ng lima hanggang anim na bilyong piso mula sa sinasabing ‘pork barrel’ ng 2017 national budget.
Matatandaang si Lacson ang nag-iisang senador na hindi kumuha ng kanyang ‘pork barrel’ simula ng maupo sa Senado.
By Arianne Palma
