Iprinisinta ni PNP Chief Director General Ronald Dela Rosa ang 22 kilo ng shabu na nakumpiska nila sa isinagawang buy bust operation sa isang fastfood restaurant sa Guadalupe, Makati City.
Ayon kay Dela Rosa, taga-Bilibid ang boyfriend ng suspek na si Maria Rosario Echaluse na siyang nagkokontrol sa operasyon ng iligal na droga.
Kinilala ito sa pangalang Hilorio Labadero na nakakulong ngayon sa maximum security compound ng Bilibid.
Tumatawag aniya ito sa Hong Kong para umorder ng shabu saka ipadadala sa Pampanga at doon kukunin para i-deliver sa mga customer.
Sinasabing sa Cebu ide-deliver ang mga nakumpiskang shabu
Inaalam na ngayon ng PNP kung may koneksyon ito kay Kerwin Espinosa lalo’t taga-Cebu din ang umano’y utak ng mga nakumpiskang droga na nakakulong ngayon sa Bilibid.
By: Meann Tanbio / Jonathan Andal
