Pinakamataas na alerto ipinatupad na sa Britanya

Nasa pinakamataas na alerto na ang Britanya matapos ang suicide bombing sa concert ng American pop singer na si Ariana Grande sa Manchester City na ikinasawi ng mahigit dalawampu (20) katao.

Magde-deploy ang British government ng mga sundalo sa mga mataong lugar gaya ng mga transport terminal tulad ng airport at train station.

Ibinabala ni British Prime Minister Theresa May ang panibagong terror attack at bawat isa ay maaaring maging target.

Ito ang inihayag ni May matapos kumpirmahin ng British Police na isang 22-anyos na British-Libyan na si Salman Abedi ang posibleng nasa likod ng pag-atake na inako naman ng grupong ISIS.

By  Drew Nacino   

Comments

comments