Inakyat na sa Court of Appeals (CA) ng Department of Justice (DOJ) ang desisiyon ng mababang hukuman sa Legazpi City hinggil sa pagpipiyansa ni dating Daraga, Albay Mayor Carlwyn Baldo.
Ito ay matapos ibasura ng presiding judge ng Legazpi Regional Trial Court ang apela laban sa pagpiyansa ng dating alkalde.
Ayon kay Justice Secretary Menardo Guevarra, naihain na nila ang isang petisyon para kwestyunin ang pasya ng naturang hukom.
Magugunitang si Baldo ang umano’y mastermind ng pagpatay kay Ako Bicol Partylist Representative Rodel Batocabe.
