Binawi na ng Bahrain ang pansamantalang suspensyon nito sa pagtanggap sa mga household service workers.
Ayon sa Department of Labor and Employment (DOLE), inalis na ng Bahrain Labor Market Regulatory Authority ang pag-ban sa pagtanggap ng mga manggagawa mula sa ibang bansa noong nagsimula ang coronavirus disease 2019 (COVID-19) pandemic.
Ipinabatid namn ni Labor Secretary Silvestre Bello na Pilipino ang pinakagustong kunin sa karamihan ng employer sa Bahrain.
Kasabay nito, nagbabala naman ang Philippine Overseas Labor Office na iwasan ang mga employer na gumagamit ng hindi lisensyadong domestic expatriate employees employment offices sa pagha-hire ng mga Pinoy.
