Ipinanawagan ng mga transport group na ibalik na sa P10 ang pasahe sa jeep.
Ito’y kasunod ng malakihang oil price hike kahapon ng mga kumpanya ng langis.
Ayon kay Efren de Luna, presidente ng ACTO, napapanahon na para ibalik ng Land Transportation Franchising and Regulatory Board (LTFRB) ang orihinal nitong desisyon na gawing P10 ang pasahe.
Nilinaw ni de Luna na hindi taas pasahe ang kanilang inihihirit, kundi ang ibalik lamang ang dati nang napagdesisyunan na ng LTFRB hinggil sa usapin ng pasahe.
