Ipinagmalaki ni Defense Secretary Delfin Lorenzana ang pagdami ng isinagawang aerial at naval patrol sa teritoryo ng bansa sa nakalipas na taon.
Sa pre state of the nation address forum sa Davao City, sinabi ni Lorenzana na pinaigting ng militar ang operasyon para protektahan ang pambansang teritoryo.
Ayon kay Lorenzana, nakapagtala ang AFP ng 190 percent na mas mataas sa steaming time at 215 percent na mas mataas sa flying hours.
Malaking tulong aniya ang trilateral patrols ng Pilipinas kasama ang Malaysia at Indonesia sa pagkakabawas ng insidente ng pamimirata at kidnapping.
