Mahigpit na babantayan ng PCCI o Philippine Chamber of Commerce and Industry ang mga naging sagot ng presidentiables sa mga usaping inilatag ng grupo sa ginawang forum kahapon.
Tiniyak ito sa DWIZ ni PCCI Chairman Emeritus Sergio Ortiz-Luis bagamat nagkakapareho naman ng tugon sa ilang usapin sina Senador Miriam Defensor Santiago, Vice President Jejomar Binay, Senador Grace Poe at dating DILG Secretary Mar Roxas subalit magkakaiba naman sa isyu ng economic reforms.
“Medyo nagkaiba sila doon sa economic reforms sa constitution, doon sa foreign investment, nadinig din naman natin yung mga sinasabi nila, nagharap-harap sila doon at kung sino ang mananalo we can hold them accountable atleast sa business sector, na ito yung sinasabi mo noon at bakit hindi mo ginagawa ngayon?” Ani Luis.
By Judith Larino | Karambola
