Inamin ni Philippine National Police (PNP) chief General Oscar Albayalde na nasasaktan na ang kanyang mga anak sa pagkakasangkot ng kanyang pangalan sa kontrobersiya ilang araw bago ang kanyang pagreretiro.
Naiyak pa si Albayalde nang sabihin nito na hindi naiintindihan ng kanyang mga anak lalo na ng kanyang bunso kung bakit tila parang kalaban ng kanilang ama ang mundo.
Sinabi ni Albayalde na sa gitna ng kontrobersiya ay ang kanyang mga anak ngayon ang siyang nasasaktan sa lahat ng akusasyon na ibinato sa kanya.
Matatandaang isinasangkot si Albayalde sa maanomalyang illegal drug operation sa Pampanga nuong 2013.
