Handa na ang pansamantalang piitan ng magkapatid na Joel at Mario Reyes sa Kampo Crame.
Kasabay nito, tiniyak ng Philippine National Police (PNP) na walang dapat ipangamba ang magkapatid na Reyes hinggil sa kanilang seguridad.
Ayon kay Chief Supt. Wilben Mayor, tagapagsalita ng PNP, may mga itatalaga namang security detail para sa dalawa para matiyak ang seguridad ng mga ito.
Pansamantalang ipipiit ang magkapatid sa PNP Custodial Center habang isinasaayos ang biyahe nito patungong Puerto Princesa sa Palawan.
Una rito, 5 tauhan mula sa Criminal Investigation and Detection Group o PNP-CIDG ang ipinadala sa Thailand para sunduin ang magkapatid na Reyes na wanted sa pagpatay sa environmentalist at broadcaster na si Dr. Gerry Ortega.
By Jaymark Dagala
