Jeff Horn kinagat ang hamong rematch ni Pacman

Kinagat ng bagong WBO Welterweight Champion na si Jeff Horn ang hamong rematch ni fighting Senator at Pambansang Kamao Manny Pacquiao.

Ito’y makaraang talunin ni Horn si Pacquiao via unanimous decision sa kanilang laban noong Hulyo 2 sa tinaguriang Battle of Brisbane.

Sa panayam ng Australian Associated Press kay Horn, sinabi nito na mismong si Pacquiao na ang nagsabing masaya siya sa naging resulta ng laban.

Ngunit ngayong tila nagbabago na ang isip ng Pambansang Kamao, handa naman si Horn na pagbigyan si Pacquiao dahil sa paniniwalang may dahilan kaya ito mangyayari.

By Jaymark Dagala

Comments

comments