Lilisanin na ng aktor na si James Blanco ang Pilipinas sa susunod na taon.
Aminado si James na nakalulungkot isipin na pansamantala siyang mawawala sa limelife upang permanenteng manirahan sa New Zealand kasama ang kanyang pamilya.
Ayon sa actor, bibyahe silang New Zealand sa Abril upang maghanap na ng lugar na matitirhan lalo’t citizen sa naturang bansa ang asawa.
Nais anyang mag-aral ng kanilang anak sa New Zealand kaya’t bilang magulang ay hindi nila hahadlangan ang kinabukasan ng mga anak.
Matagal na rin anya nilang plano ang manirahan sa nabanggit na bansa at kinondisyon na rin niya ang kanyang isip.
Gayunman, walang balak si James na iwan ang kanyang showbiz career at babalik pa rin ng Pinas kapag may trabaho.
Si James ay bahagi ng upcoming comedy show sa Kapamilya channel na pagbibidahan ni Vhong Navarro.
By Drew Nacino
Photo: Screengrab from jamesblancocastillo / Instagram
