Umabot sa P32-M ang kinita ng pelikulang ‘hello, love, goodbye’ na pinagbibidahan nina Kathryn Bernardo at Alden Richards sa ikalawang araw ng pagpapalabas nito.
Dahil dito pumalo na sa kabuuang animnapu’t anim punto tatlong milyong piso ang kita ng nabanggit na pelikula sa dalawang araw pa lamang na showing nito.
Nagpasalamat naman si Kathryn sa lahat ng mga tumangkilik sa kauna-unahang pelikula na pinagtambalan nila ni Alden.
Sa kanyang instagram post, binanggit nito ang mga aniya’y kapamilya at kapuso na sumuporta at mainit na tumanggap sa kanilang tambalan ni Alden.
Samantala binati naman ng star cinema sina Kathryn at Alden para sa tagumpay ng kanilang pelikula.
