Nahaharap sa reklamo si dating PAGCOR chairman Cristino Naguiat matapos umanong pagbantaan ang isang barangay chairman sa Urdaneta City, Pangasinan.
Ayon kay Nel Tablada, kapitan ng Brgy. Pedro Orata, bigla siyang dinuro ni Naguiat nang magkita sa isang ospital kahapon.
Bibili lang aniya siya ng gamot samantalang bibisita naman si Naguiat sa kapatid nito nang murahin siya at pagbantaang ipapapatay ng dating opisyal.
Naniniwala si Tablada na may kinalaman sa nakalipas na eleksyon ang ginawa sa kaniya ni Naguiat na kaagad din naman niyang ipina blotter.
Sinabi ni Tablada na natatakot siya lalo na para sa kaniyang pamilya.
