Itinanggi ng sexy actress na si Ellen Adarna na siya ay buntis.
Ito ay matapos kumalat ang isyu nang mag-post sa Facebook ang veteran newscaster na si Jay Sonza nang usapan umano nila ng kanyang pamangkin na si Elena.
Sa nasabing post ni Sonza, binanggit na namamasyal at nagpapahinga umano sa Morocco ang kanyang pamangkin na si Elena kung saan ibinalita nito na malapit nang maging lolo ang veteran newscaster.
Sinabi rin ng pamangkin ni Sonza sa kanilang usapan na nag-propose na umano ang kasintahan nito.
Ayon kay Ellen, hindi siya buntis at hindi niya rin aniya tiyuhin si Sonza.
Ani Ellen, hindi niya rin maalala kung nag-meet na sila minsan ni Sonza pero hindi niya ito kilala nang personal.
Matatandaang kabilang sa pinuntahan nila Ellen at ng rumored boyfriend niyang si John Lloyd Cruz ang Morocco para sa isang out of the country vacation kung saan kasalukuyang nasa Paris France na ang mga ito.
—-
