Binigyang kilala ni Pangulong Rodrigo Duterte ang serbisyo ng Philippine Army at Philippine Airforce sa gitna ng kinakaharap na krisis ng bansa bunsod ng coronavirus disease 2019 (COVID-19) pandemic.
Sa pakikipagkita ng Pangulo sa mga opisyal ng army at airforce sa Malacañang Golf o Malago Clubhouse sa Malacañang pinasalamatan niya ang mga ito sa ibinibigay na serbisyo para sa sambayanang Pilipino.
Ayon sa Pangulo bilib at saludo siya sa serbisyo ng mga ito alam aniya niyang hindi nila ito ginagawa dahil sa pera kung hindi dahil sa mahal nila ang kanilang trabaho at ang bansang pinaglilingkuran.
