Mayroong personal na dahilan si Philippine National Police o PNP Chief Director General Ronald Dela Rosa sa kanyang pagbisita sa Marawi City noong Martes.
Ayon kay Dela Rosa, bukod sa gusto niyang makita ang kondisyon at palakasin ang loob ng mga pulis na lumalaban sa Maute Group, gusto rin niyang makita ng personal ang Marawi kung saan siya nag-aral ng tatlong (3) taon.
Scholar si Bato ng Mindanao State University (MSU) sa Marawi bago ito pumasok sa PMA o Philippine Military Academy.
Binigyang-diin ng PNP Chief na napakalapit sa kanya ng nasabing eskwelhan kaya labis siyang nalulungkot sa pagkawasak nito ngayon dahil sa giyera sa Marawi.
By Meann Tanbio | With Report from Jonathan Andal
