Nakataas ang blue alert status sa Davao City dahil sa bagyong Onyok.
Ayon kay Leo Villareal, pinuno ng Davao City Information Office, inabisuhan na nila ang City Disaster Risk Reduction and Management Council at maging ang mga residente lalo na yung mga nakatira malapit sa ilog at dapat na maging alerto.
Sinabi ni Villareal na nakahanda na rin ang evacuation centers para sa mga residenteng maaapektihan ng kalamidad.
Tiniyak ni Villareal ang 24 oras na pagtutok sa galaw ng bagyong Onyok para kaagad makaresponde kung kinakailangan.
Sa ngayon ay nakakaranas na ng pag-ulan ang ilang bahagi ng Davao Region.
By Judith Larino
