Nanganganib magdulot ng conflict ang US naval operations sa South China Sea.
Ayon ito sa isang Chinese researcher na nagsabi ring ang Amerika ang dapat sisihin kapag nagkaroon ng banggaan dito.
Kasunod na rin ito nang pagtatapos ng pag-uusap sa Beijing ng Chinese at US trade teams sa pag-asang maiwasan ang all out trade war bagamat may pangamba pa ring tumaas ang tensyon sa pagitan ng dalawang bansa.
Ayon kay Zhang Junshe, researcher ng PLA Naval Military Studies Research Institute ng China, hindi maiiwasang mag banggaan ang warships ng dalawang bansa at mabilis na pag-usbong ng hindi pagkakaunawaan o tila error of judgment sa pagitan ng China at Amerika.
—-
