Nagtayo na ang Commission on Elections o COMELEC ng mga off site registration at validation center sa mga shopping malls para pagsilbihan ang mga botante na nagnanais lumahok sa darating na halalan.
Ito ang kinumpirma ni COMELEC Spokesman James Jimenez ng muling pagbababala na hindi makaboboto ang sinumanng botante ng walang biometrics.
Sa ilalim ng biometric system, nakatala ang lahat ng impormasyon ng isang botante kabilang ang larawan, fingerprint at lagda sa database ng COMELEC.
Muling ipinaalala ni Jimenez na bukas ang kanilang tanggapan sa buong bansa upang tumanggap ng registration at validation mula Linggo hanggang Biyernes, alas-8:00 ng umaga hanggang alas-5:00 ng hapon.
Hanggang sa Oktubre 31 na lamang maaaring magparehistro ang mga nagnanais bumoto sa Eleksyon 2016.
By Jaymark Dagala
