Sumampa na sa 48 ang bilang nasawi sa bansang Peru kasunod ng pagbangga ng isang bus sa isang truck bago ito tumagilid sa gilid ng bangin sa siyudad ng Lima.
Batay sa ulat, nangyari ang aksidente sa Panamericana Norte Highway at malapit sa Pasamayo sa Pacific Coast.
Nasa anim naman ang nakaligtas sa aksidente at agad binigyan ng paunang lunas para sa mga tinamong sugat ng mga ito.
Patuloy namang iniimbestigan ng mga pulis sa Lima ang insidente.
—-
