Bukas ang pamunuan ng Armed Forces of the Philippines sa integration ng mga susukong miyembro ng New People’s Army.
Ito ay batay sa naunang pahayag ni Pangulong Rodrigo Duterte na plano nitong ipasok sa sandatahang lakas ang magbabalik loob na rebelde.
Ayon kay AFP Spokesperson Brig. General Restituto Padilla, wala naman silang nakikitang masama dito at susuportahan nila kung ito ang plano ng Pangulo.
Maliban dito ay maaari din namang gawing miyembro ng CAFGU o Citizen Armed Force Geographical Unit ang mga susukong rebelde.
