Pinababa ang may 900 pasahero ng Metro Rail Transit o MRT 3 sa bahagi ng Shaw Boulevard Station dahil sa technical problem.
Ayon sa pamunuan ng MRT-3, nagkaroon ng door failure na naging dahilan ng aberya dakong alas-8:19 ng umaga.
Makalipas naman ang tatlong minuto ay nakasakay naman sa sumunod na tren ang mga naapektuhang pasahero.
Pinaalalahanan naman ng pamunuan ng MRT ang mga pasahero na iwasang sandalan o piliting buksan ang pintuan ng tren para maiwasan ang anumang aberya.
—-
