Na-trap ang nasa 26 na katao nang gumuho ang unahang bahagi ng isang gusali sa Mangagoy, Bislig City, Surigao del Sur.
Batay sa ulat, bumigay ang bahagi ng gusali na inuupahan ng isang botika pasado 7:30 kagabi.
Agad namang dumating ang mga rescuers mula sa 911 Bislig City Bureau of Fire Protection at Philippine National Police (PNP) kung saan matagumpay na nailigtas ang mga na-trap na empleyado at customers ng gumuhong gusali.
Nadamay naman sa pagguho ang pitong (7) motorsiko at isang (1) tricycle na pawang nakaparada sa labas ng gusali.
Patuloy naman ang imbestigasyon ng mga otoridad sa nangyaring pagguho.
