Sinibak na ng US authorities ang 21 miyembro ng Saudi Military matapos ang pamamaril sa air base noong nakalipas na buwan, Disyembre.
Ayon kay US Attorney General William Barr, nadiskubre na ang mga kadete ay mayroong koneksyon sa Jihadist group.
Tinawag din ni Barr na isang uri ng terorismo ang nasabing pamamaril sa Naval Air Station sa Pensacola na dahilan din nang pagtigil muna ng Amerika sa pagsasanay sa Saudi servicemen.
Magugunitang tatlo katao ang nasawi nang pagbabarilin ng 21 anyos na Saudi Air Force Lieutenant ang ilang katao sa air base.
