Nasa kritikal na kondisyon ang dalawang ‘off-duty’ na sundalo makaraang tambangan ng hindi pa nakikilalang mga salarin sa Sinsuat Avenue, Cotabato City.
Kinilala ang mga biktima na sina Private First Class Clyde Najera, 25 taong gulang ng Kapatagan, Zamboanga Del Sur; at Private First Class Rico Zamora, 22 taong gulang ng Sta. Maria, Zamboanga Del Sur.
Sinasabing ang dalawa ay pawang mga miyembro ng 549th engineering brigade ng Philippine Army na nakabase sa Camp Siongco, Barangay Awang, Datu Odin Sinsuat, Maguindanao.
Batay sa imbestigasyon, magka-angkas sa motorsiklo ang dalawang sundalo nang buntutan ng mga armadong lalaki na nakamotor din at pinagbabaril.
Patuloy ang imbestigasyon ng mga awtoridad sa pamamaril.
