Sumuko sa militar ang dalawang miyembro ng Abu Sayyaf sa Imelda, Zamboanga Sibugay.
Ayon kay Lt. Col. Don Templonuevo, commander ng 44th Infantry Batallion, ang mga sumuko ay nasa ilalim ng grupo ni Sibih Pisih.
Isinuko rin ng dalawang bandido ang kanilang armas na Garand rifle.
Una rito, walong sundalo ang nasugatan nang makasagupa ang Abu Sayyaf sa Patikul, Sulu.
Ayon sa Joint Task Force Sulu, may mga napatay sila sa panig ng Abu Sayyaf.
Naka-engkwentro ng militar ang grupo na pinamumunuan ni Hatib Hajan Sawadjaan at Radullan Sahiron.
