14 patay sa panibagong suicide bombing sa Iraq

Labing-apat (14) na ang patay kabilang ang apat (4) na sibilyan habang labingtatlo (13) ang sugatan sa pag-atake ng suicide bomber sa Anbar Province, Iraq.

Ayon sa mga awtoridad, pinasok ng isang lalaking nakasuot ng vest na armado ng mga pampasabog ang 60 kilo camp ng mga internally displaced person sa Al-Wafaa Area, Ramadi City.

Isasara naman ang kampo ng mga evacuee sa oras na ilipat ang mga ito sa 18 kilo camp.

Naniniwala ang Iraqi Forces na ang naturang insidente ay ganti ng ISIS makaraang mabawi mula sa kanila ng gobyerno ang lungsod ng Mosul.

Bagaman tuluyan ng humina ang Islamic State sa Iraq, nangangamba ang mga mamamayan na maglulunsad muli ng mga suicide bombing ang ISIS lalo’t hindi naman lahat ng mga miyembro ng grupo ang napatay bagkus ay nakihalubilo lamang ang mga ito sa sibilyan.

By Drew Nacino

Comments

comments