Hindi matutuloy ang pagbabalik tambalan sana nina Piolo Pascual at Claudine Barreto sa isang pelikula ngayong taon.
Ayon kay Piolo, naghihintay pa sila ng isang pelikula na may tamang kuwento gayundin ng tamang panahon para matuloy ito.
Sa ngayon aniya’y tutukan niya muna ang iba pa niyang nakapilang mga proyekto.
Sinabi ni Piolo, kabilang dito ang isang bagong proyekto sa kanyang mother network na aniya’y hindi pa niya nagagawa noon at magsisimula na sa mga susunod na linggo.
Kaniya rin aniyang uunahin ang pelikula kasama ang aktres na si Alex de Rossi.
Samantala, inihayag ni Piolo ang posibilidad naman na matuloy na ang pagbabalik tambalan naman nila ng aktres na si Judy Ann Santos.
