Isang residential area ang natupok sa Barangay 66, Pasay City, kahapon.
Ayon sa Bureau of Fire Protection-Pasay, pasado alas 3:00 ng hapon nang magsimula ang sunog sa isang bahay at agad kumalat sa mga katabing bahay sa Dolores Street.
Umabot sa ikatlong alarma ang sunog bago naapula mag-a-ala 5:00 ng hapon.
Wala namang nasugatan dahil mabilis nakalikas ang mga residente.
Inaalam na kung ano ang sanhi ng pagkalat ng apoy at halaga ng mga napinsala o natupok na ari-arian.
