Nasunog ang bahagi ng National Children’s Hospital sa E. Rodriguez Sr. Avenue sa Quezon City.
Batay sa ulat, nagsimula ang apoy sa ika-pitong palapag ng gusali kung saan may ginagawang konstruksyon.
Agad namang inilikas ang mga pasyenteng nasa loob ng nasunog na gusali ng ospital, kung saan ilan sa mga ito ay mga sanggol.
Itinaas naman sa ikatlong alarma ang sunog bago ito naapula pasado alas-11:20 kaninang umaga.
Patuloy namang iniimbestigahan ang pinagmulan ng sunog at halaga ng pinsalang idinulot nito.
